Hanuman Chalisa

श्रीगुरु चरण सरोज राज, निजमन मुकुर सुधारि। बरनौ रघुवर विमल जसु, जो दायक फल चारि।। बुद्धिहीन तनु जानिके, सुमिरौ पवन-कुमार। बल बुद्धि बिद्या देहु मोहि, हरहु कलेस विकार।।

shriguru charana saroja raja, nijamana mukula sudhari baranau raghuvara vimala jasu, jo dayaka phala chari buddhihina tanu janike, sumirau pavana-kumara bala budhi bidya dehu mohi, harahu kalesa bikara

जय हनुमान ज्ञान गुण सागर। जय कपीस तिहु लोक उजागर।। राम दूत अतुलित बल धामा। अंजनि-पुत्र पवनसुत नामा।।

jaya hanumana gyana guna sagara jaya kapisa tihu loka ujagara rama duta atulita bala dhama anjani-putra pavanasuta nama

महाबीर विक्रम बजरंगी। कुमति निवार सुमति के संगी।। कंचन बरन बिराज सुवेसा। कानन कुंडल कुंचित केसा।।

mahabira bikrama bajarangi kumati nivara sumati ke sangi kanchana barana biraja suvesa kanana kundala kunchita kesa

हाथ बज्र अरु ध्वज विराजे। कंधे मुंज जनेऊ साजे।। शंकर सुवन केसरी नंदना। तेज प्रताप महा जग वंदना।।

hatha bajra aru dhvaja biraje kandhe munja janeu saje shankara suvana kesari nandana teja pratapa maha jaga vandana

विद्यावान गुणी अति चातुर। राम काज करिबे को आतुर।। प्रभु चरित्र सुनिवे को रसिया। राम लखन सीता मन बसिया।।

vidyavana guni ati chatura rama kaja karibe ko atura prabhu charitra sunive ko rasiya rama lakhana sita mana basiya

सूक्ष्म रूप धरि सियहि दिखावा। बिकट रूप धरि लंका जरावा।। भीम रूप धरि असुर संघारे। रामचंद्र के काज सँवारे।।

sukshma rupa dhari siyahi dikhava bikata rupa dhari lanka jarava bhima rupa dhari asura sanghare ramachandra ke kaja savare

लय सजीवन लखन जियाये। श्री रघुबीर हरषि उर लाये।। रघुपति किन्ही बहुत बडाई। तुम मम प्रिय भरतहि सम भाई।।

laya sajivana lakhana jiyaye shri raghubira harashi ura laye raghupati kinhi bahuta badai tum mama priya bharatahi sama bhai

सहस बदन तुम्हरो जस गावैं। अस कहि श्रीपति कंठ लगावैं।। सनकादिक ब्रह्मादि मुनीसा। नारद सारद सहित अहीसा।।

sahasa badana tumharo jasa gavai asa kahi shripati kantha lagavai sanakadika brahmadi munisa narada sarada sahita ahisa

जम कुबेर दिगपाल जहाँ ते। कवि कोविद कहि सकैं कहाँ ते।। तुम उपकार सुग्रीवहि कीन्हा। राम मिलाय राज पद दीन्हा।।

jama kubera digapala jahan te kavi kovida kahi sake kahan te tuma upakara sugrivahi kinha rama milaya raja pada dinha

तुम्हरो मंत्र विभीषन मना। लंकेश्वर भये सब जग जना।। जुग सहस्र जोजन पर भानु। लील्यो तहि मधुर फल जानु।।

tumharo mantra bibhishana mana lankeshvara bhaye saba jaga jana juga sahastra jojana para bhanu lilyo tahi madhura phala janu

प्रभु मुद्रिका मेलि मुख माही। जलधि लांघि गये अचरज नाहीं।। दुर्गम काज जगत के जेते। सुगम अनुग्रह तुम्हारे तेते।।

prabhu mudrika meli mukha mahi jaladhi langhi gaye acharaja nahi durgama kaja jagata ke jete sugama anugraha tumhare tete

राम दुआरे तुम रखवारे। होत न आज्ञा बिनु पैसारे।। सब सुख लहै तुम्हारी सरना। तुम रक्षक काहु को डरना।।

rama duare tuma rakhavare hota na ajna binu paisare saba sukha lahai tunhari sarana tuma rakshaka kahu ko dara na

अपना तेज समहारो अपै। तीनों लोक हाँक ते कापै।। भूत पिसाच निकट नहिं आवैं। महावीर जब नाम सुनावैं।।

apana teja samharo apai tino loka hanka te kapai bhuta pisacha nikata nahi avai mahavira jaba nama sunavai

नसै रोग हरे सब पीरा। जपत निरंतर हनुमत बीरा।। संकट ते हनुमान छुडावैं। मन क्रम बचन ध्यान जो लावैं।।

nasai roga hare saba pira japata nirantara hanumata bira sankata te hanumana chhudavai mana krama bachana dhyana jo lavai

सब पर राम तपस्वी राजा। तिन के काज सकल तुम साजा।। और मनोरथ जो कोई लावैं। सोई अमित जीवन फल पावैं।।

saba para rama tapasvi raja tina ke kaja sakala tuma saja aura manoratha jo koi lavai soi amita jivana phala pavai

चारो जुग परताप तुम्हारा। है प्रसिद्ध जगत उजियारा।। साधु संत के तुम रखवारे। असुर निकंदन राम दुलारे।।

charo juga paratap tumhara hai parasiddha jagata ujiyara sadhu santa ke tum rakhavare asura nikandana rama dulare

अष्टसिद्धि नौ निधि के दाता। अस बर दीन जानकी माता।। राम रसायन तुम्हारे पासा। सदा रहो रघुपति के दासा।।

ashtasiddhi nau nidhi ke data asa bara dina janaki mata rama rasayana tumhare pasa sada raho raghupati ke dasa

तुम्हारे भजन राम को पावैं। जनम जनम के दुःख बिसरावैं।। अंत काल रघुबर पुर जाई। जहाँ जनम हरिभक्त कहाई।।

tumhare bhajana rama ko pavai janama janama ke dukha bisaravai anta kala raghubara pura jai jahan janma haribhakta kahai

और देवता चित्त न धरैं। हनुमत सेई सर्व सुख करैं।। संकट कटै मिटै सब पीरा। जो सुमिरैं हनुमत बलबीरा।।

aura devata chitta na dharai hanumata sei sarba sukha karai sankata katai mitai saba pira jo sumirai hanumata balabira

जय जय जय हनुमान गोसाई। कृपा करहु गुरुदेव की नाई।। जो सत बार पाठ कर कोई। छूटहि बंदी महा सुख होई।।

jaya jaya jaya hanumana gosai kripa karahu gurudeva ki nai jo sata bara patha kara koi chhutahi bandi maha sukha hoi

जो यह पढै हनुमान चालीसा। होय सिद्धि साखी गौरीसा।। तुलसीदास सदा हरि चेरा। किजै नाथ हृदय महँ डेरा।।

jo yaha padhai hanumana chalisa hoya siddhi sakhi gaurisa tulasidasa sada hari chera kijai natha hridaya maham dera