Kanakadhara Stotram

अङ्गं हरेः पुलकभूषणमाश्रयन्ती भृङ्गाङ्गनेव मुकुलाभरणं तमालम्। अङ्गीकृताखिलविभूतिरपाङ्गलीला माङ्गल्यदास्तु मम मङ्गलदेवतायाः॥१॥

aṅgaṁ hareḥ pulakabhūṣaṇam āśrayantī bhṛṅgāṅganeva mukulābharaṇaṁ tamālam | aṅgīkṛtākhilavibhūtir apāṅgalīlā māṅgalyadāstu mama maṅgaladevatāyāḥ ||1||

As a female bee settles on a tamala tree covered in buds, the playful side-glance of the goddess of good fortune rests on Hari's body, which thrills with joy. May that glance, which holds every kind of wealth, bring me what is auspicious.

मुग्धा मुहुर्विदधती वदने मुरारेः प्रेमत्रपाप्रणिहितानि गतागतानि। माला दृशोर्मधुकरीव महोत्पले या सा मे श्रियं दिशतु सागरसम्भवायाः॥२॥

mugdhā muhur vidadhatī vadane murāreḥ prematrapāpraṇihitāni gatāgatāni | mālā dṛśor madhukarīva mahotpale yā sā me śriyaṁ diśatu sāgarasambhavāyāḥ ||2||

Like a bee hovering at a great blue lotus, her gaze keeps returning to Murari's face, drawn by love and held back by shyness. May that string of glances of the ocean-born goddess grant me good fortune.

विश्वामरेन्द्रपदविभ्रमदानदक्षम् आनन्दहेतुरधिकं मुरविद्विषोऽपि। ईषन्निषीदतु मयि क्षणमीक्षणार्धम् इन्दीवरोदरसहोदरमिन्दिरायाः॥३॥

viśvāmarendrapadavibhramadānadakṣam ānandahetur adhikaṁ muravidviṣo'pi | īṣan niṣīdatu mayi kṣaṇam īkṣaṇārdham indīvarodarasahodaram indirāyāḥ ||3||

Her glance can grant the splendour of Indra's throne, and gives joy even to Vishnu, the enemy of Mura. May half a glance of Indira, like the inside of a blue lotus, rest on me for a moment.

आमीलिताक्षमधिगम्य मुदा मुकुन्दम् आनन्दकन्दमनिमेषमनङ्गतन्त्रम्। आकेकरस्थितकनीनिकपक्ष्मनेत्रं भूत्यै भवेन्मम भुजङ्गशयाङ्गनायाः॥४॥

āmīlitākṣam adhigamya mudā mukundam ānandakandam animeṣam anaṅgatantram | ākekarasthitakanīnikapakṣmanetraṁ bhūtyai bhaven mama bhujaṅgaśayāṅganāyāḥ ||4||

With half-closed eyes she gazes joyfully, without blinking, at Mukunda, the root of bliss. May the eye of the consort of the Lord who rests on the serpent, its pupil and lashes turned to the corner, bring me well-being.

बाह्वन्तरे मधुजितः श्रितकौस्तुभे या हारावलीव हरिनीलमयी विभाति। कामप्रदा भगवतोऽपि कटाक्षमाला कल्याणमावहतु मे कमलालयायाः॥५॥

bāhvantare madhujitaḥ śritakaustubhe yā hārāvalīva harinīlamayī vibhāti | kāmapradā bhagavato'pi kaṭākṣamālā kalyāṇam āvahatu me kamalālayāyāḥ ||5||

On the chest of Vishnu, victor over Madhu, where the Kaustubha gem rests, her glances shine like a necklace of sapphires and fulfil even the Lord's wishes. May that row of glances of the lotus-dwelling goddess bring me good.

कालाम्बुदालिललितोरसि कैटभारेः धाराधरे स्फुरति या तडिदङ्गनेव। मातुः समस्तजगतां महनीयमूर्तिः भद्राणि मे दिशतु भार्गवनन्दनायाः॥६॥

kālāmbudālilalitorasi kaiṭabhāreḥ dhārādhare sphurati yā taḍidaṅganeva | mātuḥ samastajagatāṁ mahanīyamūrtiḥ bhadrāṇi me diśatu bhārgavanandanāyāḥ ||6||

On the chest of Kaitabha's foe, dark and lovely as a bank of rain clouds, she flashes like lightning. May the revered form of the mother of all worlds, the daughter of Bhrigu, bring me blessings.

प्राप्तं पदं प्रथमतः किल यत्प्रभावात् माङ्गल्यभाजि मधुमाथिनि मन्मथेन। मय्यापतेत्तदिह मन्थरमीक्षणार्धं मन्दालसं च मकरालयकन्यकायाः॥७॥

prāptaṁ padaṁ prathamataḥ kila yatprabhāvāt māṅgalyabhāji madhumāthini manmathena | mayy āpatet tad iha mantharam īkṣaṇārdhaṁ mandālasaṁ ca makarālayakanyakāyāḥ ||7||

By its power, it is said, Kama, the god of love, first found a place in auspicious Vishnu, the slayer of Madhu. May that slow, languid half-glance of the ocean's daughter fall on me here.

दद्याद्दयानुपवनो द्रविणाम्बुधाराम् अस्मिन्नकिञ्चनविहङ्गशिशौ विषण्णे। दुष्कर्मघर्ममपनीय चिराय दूरं नारायणप्रणयिनीनयनाम्बुवाहः॥८॥

dadyād dayānupavano draviṇāmbudhārām asminn akiñcanavihaṅgaśiśau viṣaṇṇe | duṣkarmagharmam apanīya cirāya dūraṁ nārāyaṇapraṇayinīnayanāmbuvāhaḥ ||8||

May the rain cloud of the eyes of Narayana's beloved, driven by the wind of compassion, carry the heat of my misdeeds far away for good, and pour a shower of wealth on me, a sad, penniless young bird waiting for rain.

इष्टा विशिष्टमतयोऽपि यया दयार्द्रदृष्ट्या त्रिविष्टपपदं सुलभं लभन्ते। दृष्टिः प्रहृष्टकमलोदरदीप्तिरिष्टां पुष्टिं कृषीष्ट मम पुष्करविष्टरायाः॥९॥

iṣṭā viśiṣṭamatayo'pi yayā dayārdradṛṣṭyā triviṣṭapapadaṁ sulabhaṁ labhante | dṛṣṭiḥ prahṛṣṭakamalodaradīptir iṣṭāṁ puṣṭiṁ kṛṣīṣṭa mama puṣkaraviṣṭarāyāḥ ||9||

Through her glance, soft with compassion, the wise whom she favours easily reach heaven. May the gaze of the lotus-seated goddess, bright as the heart of a blooming lotus, give me the nourishment I seek.

गीर्देवतेति गरुडध्वजसुन्दरीति शाकम्भरीति शशिशेखरवल्लभेति। सृष्टिस्थितिप्रलयकेलिषु संस्थितायै तस्यै नमस्त्रिभुवनैकगुरोस्तरुण्यै॥१०॥

gīrdevateti garuḍadhvajasundarīti śākambharīti śaśiśekharavallabheti | sṛṣṭisthitipralayakeliṣu saṁsthitāyai tasyai namas tribhuvanaikaguros taruṇyai ||10||

She is called the goddess of speech, the beautiful consort of Garuda-bannered Vishnu, Shakambhari, and the beloved of moon-crested Shiva. Salutations to her, the young consort of the one teacher of the three worlds, present in the play of creation, preservation and dissolution.

श्रुत्यै नमोऽस्तु शुभकर्मफलप्रसूत्यै रत्यै नमोऽस्तु रमणीयगुणार्णवायै। शक्त्यै नमोऽस्तु शतपत्रनिकेतनायै पुष्ट्यै नमोऽस्तु पुरुषोत्तमवल्लभायै॥११॥

śrutyai namo'stu śubhakarmaphalaprasūtyai ratyai namo'stu ramaṇīyaguṇārṇavāyai | śaktyai namo'stu śatapatraniketanāyai puṣṭyai namo'stu puruṣottamavallabhāyai ||11||

Salutations to her as Shruti, who brings forth the fruit of good deeds; as Rati, an ocean of lovely qualities; as Shakti, who lives in the hundred-petalled lotus; and as Pushti, the beloved of Purushottama.

नमोऽस्तु नालीकनिभाननायै नमोऽस्तु दुग्धोदधिजन्मभूत्यै। नमोऽस्तु सोमामृतसोदरायै नमोऽस्तु नारायणवल्लभायै॥१२॥

namo'stu nālīkanibhānanāyai namo'stu dugdhodadhijanmabhūtyai | namo'stu somāmṛtasodarāyai namo'stu nārāyaṇavallabhāyai ||12||

Salutations to her whose face is like a lotus; salutations to her who was born from the ocean of milk; salutations to the sister of the moon and of amrit; salutations to the beloved of Narayana.

नमोऽस्तु हेमाम्बुजपीठिकायै नमोऽस्तु भूमण्डलनायिकायै। नमोऽस्तु देवादिदयापरायै नमोऽस्तु शार्ङ्गायुधवल्लभायै॥१३॥

namo'stu hemāmbujapīṭhikāyai namo'stu bhūmaṇḍalanāyikāyai | namo'stu devādidayāparāyai namo'stu śārṅgāyudhavallabhāyai ||13||

Salutations to her who sits on a golden lotus; salutations to the queen of the earth; salutations to her who is kind to the gods and all beings; salutations to the beloved of Vishnu, who bears the Sharnga bow.

नमोऽस्तु देव्यै भृगुनन्दनायै नमोऽस्तु विष्णोरुरसि स्थितायै। नमोऽस्तु लक्ष्म्यै कमलालयायै नमोऽस्तु दामोदरवल्लभायै॥१४॥

namo'stu devyai bhṛgunandanāyai namo'stu viṣṇor urasi sthitāyai | namo'stu lakṣmyai kamalālayāyai namo'stu dāmodaravallabhāyai ||14||

Salutations to the goddess, the daughter of Bhrigu; salutations to her who lives on Vishnu's chest; salutations to Lakshmi, who lives in the lotus; salutations to the beloved of Damodara.

नमोऽस्तु कान्त्यै कमलेक्षणायै नमोऽस्तु भूत्यै भुवनप्रसूत्यै। नमोऽस्तु देवादिभिरर्चितायै नमोऽस्तु नन्दात्मजवल्लभायै॥१५॥

namo'stu kāntyai kamalekṣaṇāyai namo'stu bhūtyai bhuvanaprasūtyai | namo'stu devādibhir arcitāyai namo'stu nandātmajavallabhāyai ||15||

Salutations to her who is radiance, the lotus-eyed; salutations to her who is prosperity, the mother of the worlds; salutations to her who is worshipped by the gods; salutations to the beloved of Nanda's son, Krishna.

सम्पत्कराणि सकलेन्द्रियनन्दनानि साम्राज्यदानविभवानि सरोरुहाक्षि। त्वद्वन्दनानि दुरिताहरणोद्यतानि मामेव मातरनिशं कलयन्तु मान्ये॥१६॥

sampatkarāṇi sakalendriyanandanāni sāmrājyadānavibhavāni saroruhākṣi | tvadvandanāni duritāharaṇodyatāni mām eva mātar aniśaṁ kalayantu mānye ||16||

O lotus-eyed, honoured Mother: bowing to you brings prosperity, delights all the senses, can bestow kingdoms and is ready to take away wrongs. May these salutations to you stay with me always.

यत्कटाक्षसमुपासनाविधिः सेवकस्य सकलार्थसम्पदः। सन्तनोति वचनाङ्गमानसैः त्वां मुरारिहृदयेश्वरीं भजे॥१७॥

yatkaṭākṣasamupāsanāvidhiḥ sevakasya sakalārthasampadaḥ | santanoti vacanāṅgamānasaiḥ tvāṁ murārihṛdayeśvarīṁ bhaje ||17||

Worshipping your glance brings every kind of good to the devotee. You, queen of Murari's heart, I worship in word, body and mind.

सरसिजनिलये सरोजहस्ते धवलतमांशुकगन्धमाल्यशोभे। भगवति हरिवल्लभे मनोज्ञे त्रिभुवनभूतिकरि प्रसीद मह्यम्॥१८॥

sarasijanilaye sarojahaste dhavalatamāṁśukagandhamālyaśobhe | bhagavati harivallabhe manojñe tribhuvanabhūtikari prasīda mahyam ||18||

Goddess who lives in the lotus and holds a lotus, radiant in the whitest garments, sandal paste and garlands; beloved of Hari, lovely one, who brings prosperity to the three worlds: be gracious to me.

दिग्घस्तिभिः कनककुम्भमुखावसृष्ट स्वर्वाहिनीविमलचारुजलप्लुताङ्गीम्। प्रातर्नमामि जगतां जननीमशेष लोकाधिनाथगृहिणीममृताब्धिपुत्रीम्॥१९॥

digghastibhiḥ kanakakumbhamukhāvasṛṣṭa svarvāhinīvimalacārujalaplutāṅgīm | prātar namāmi jagatāṁ jananīm aśeṣa lokādhināthagṛhiṇīm amṛtābdhiputrīm ||19||

Each morning I bow to the mother of the worlds, whose body is bathed in the pure, lovely water of the heavenly Ganga, poured from golden pots by the elephants of the directions; the wife of the lord of all worlds, the daughter of the ocean of nectar.

कमले कमलाक्षवल्लभे त्वं करुणापूरतरङ्गितैरपाङ्गैः। अवलोकय मामकिञ्चनानां प्रथमं पात्रमकृत्रिमं दयायाः॥२०॥

kamale kamalākṣavallabhe tvaṁ karuṇāpūrataraṅgitair apāṅgaiḥ | avalokaya mām akiñcanānāṁ prathamaṁ pātram akṛtrimaṁ dayāyāḥ ||20||

Kamala, beloved of the lotus-eyed Lord, look at me with side-glances that ripple with a flood of compassion. I am first among the poor, a true object of your mercy.

स्तुवन्ति ये स्तुतिभिरमूभिरन्वहं त्रयीमयीं त्रिभुवनमातरं रमाम्। गुणाधिका गुरुतरभाग्यभागिनो भवन्ति ते भुवि बुधभाविताशयाः॥२१॥

stuvanti ye stutibhir amūbhir anvahaṁ trayīmayīṁ tribhuvanamātaraṁ ramām | guṇādhikā gurutarabhāgyabhāgino bhavanti te bhuvi budhabhāvitāśayāḥ ||21||

The closing verse says that those who praise Rama (Lakshmi), the mother of the three worlds who embodies the three Vedas, with these verses every day become rich in good qualities and great good fortune, and are held in esteem by the wise.